चितवन, भदौ २२ । चितवनमा थप २२ जनामा कोरोना भाइरस (कोभिड-१९) संक्रमण पुष्टि भएको छ । चितवन मेडिकल कलेजको ल्यावमा गरिएको परीक्षणमा चितवनका १४ जनासहित थप २२ जनामा संक्रमण पुष्टि भएको हो ।
चितवन मेडिकल कलेजको ल्यावमा भदौ २१ गते १५९ वटा नमुनाहरुको पिसिआर परीक्षणको क्रममा २२ वटा नमुनाको नतिजा पोजेटिभ र १३७ वटा नमुनाको नतिजा नेगेटिभ रहेको चितवन मेडिकल कलेजले जानकारी दिएको छ ।
कोरोना संक्रमण पुष्टि हुनेहरुमा चितवनका १४ र ८ जना अन्य जिल्लाका रहेका छन् । कोरोना संक्रमितमध्ये भरतपुर महानगरपालिकाका १३ जना र रत्ननगर नगरपालिका-१ की ५४ वर्षीया महिला १ जना रहेकी छन् ।
साथै पूर्व नवलपरासी गैंडाकोट नगरपालिकाका ४ जना र कावासोती नगरपालिकाका १ जना, नवलपरासी पश्चिम बर्दघाटका १ जना, मकवानपुर र बाराका १/१ जनामा कोरोना संक्रमण पुष्टि भएको छ ।
यो पनि पढ्नुहोस्
