पोखरा, भदौ १९ । गण्डकी प्रदेशमा आज बिहान थप ४० जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या २३५२ जना पुगेको छ ।
स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ६:१० बजे प्रेस बिज्ञप्ति जारी गर्दै ४० जनामा कोरोना संक्रमण पुष्टि भएको जानकारी गराएका हुन् ।
आज बिहान अध्यावधिक विवरण अनुसार पोखरा स्वास्थ्य बिज्ञान प्रतिष्ठान, पोखरामा गरिएको परीक्षणमा तनहुँको भानु नगरपालिका-७ का १ जना ५५ वर्षीया महिला १ जनामा कोरोना संक्रमण देखिएको हो ।
साथै क्षयरोग उपचार केन्द्र, पोखरामा गरिएको परिक्षणमा कास्कीको पोखरा महानगरपालिकाका १६ जना, लमजुङका ३ जना, बागलुङ, स्याङ्जा र तनहुँका १, १ जना गरी ३ जना तथा नवलपरासी सुस्ता पूर्व गैडाकाेटका १६ जना र देबचुलीका १ जना रहेका छन् ।
कोरोना संक्रमित ४० जनामध्ये ७ जना नेपाल प्रहरीमा कार्यरत जवान रहेका गण्डकी स्वास्थ्य निर्देशनालयका निर्देशक डा. विनोद विन्दु शर्माले जानकारी दिए । कास्की जिल्ला, पोखरा महानगरपालिका-१५ का ७ जना नेपाल प्रहरीमा कार्यरत रहेका छन् ।
पोखरा स्वास्थ्य बिज्ञान प्रतिष्ठान, पोखरामा दुवैजना महिला पे क्लिनिकमा परीक्षण गर्न आएका हुन् । अन्य सबै कोरोना संक्रमित व्यक्तिहरु कन्ट्याक ट्रेसिंगबाट पहिचान भएका हुन् । सबै संक्रमितहरुलाई आईसोलेसन केन्द्रमा लैजाने तयारी भई रहेको छ ।
यो पनि पढ्नुहोस्
गण्डकी प्रदेशमा थप १८ जनामा कोरोना पुष्टि, संक्रमितको संख्या २२६४ पुग्यो
