लमजुङ, भदौ १६। गण्डकी प्रदेशको लमजुङ जिल्लामा आज बिहान १४ दिने नाबालकसहित २६ जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ११:२५ बजे प्रेस बिज्ञप्ति जारी गर्दै लमजुङमा २६ जनामा कोरोना संक्रमण पुष्टि भएको जानकारी गराएका हुन् ।
आज बिहान अध्यावधिक विवरण अनुसार क्षयरोग उपचार केन्द्र, पोखरामा गरिएको परिक्षणमा लमजुङमा थप भएका नयाँ २६ जनामा कोरोना संक्रमण देखिएको हो । कोरोना संक्रमित हुनेमा लमजुङको बेसीशहरका २६ जना रहेका छन् ।
लमजुङ जिल्ला, लमजुङ जिल्ला सामुदायिक अस्पतालमा उपचाररत १४ दिनका नाबालकसहित ५ जना, अस्पतालमै कार्यरत १ जना, ग्लोबल आईएमइ बैंकमा कार्यरत ५ जना, नेपाल प्रहरीमा कार्यरत ४ जना र बेसीसहर-७ का २८ बर्षीय १ जना महिला पत्रकार हुन् । अन्य सबै कोरोना संक्रमित व्यक्तिहरु कन्ट्याक ट्रेसिंगबाट पहिचान भएका हुन् । सबै संक्रमितहरुलाई आईसोलेसन केन्द्रमा लैजाने तयारी भई रहेको छ ।
