पोखरा, भदौ १२। गण्डकी प्रदेशको राजधानी पोखरामा आज दिउसो गरी ११ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या २०३६ जना पुगेको छ ।
स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज दिउसो १:४५ बजे एक प्रेस बिज्ञप्ति जारी गर्दै पोखरामा ११ जनामा कोरोना संक्रमण पुष्टि भएको जानकारी गराएका हुन् ।
