काठमाडौँ, साउन २८। त्रिवि शिक्षण अस्पतालमा कार्यररत २ जना चिकित्सक र ४ जना नर्समा कोरोना संक्रमण देखिएको छ । बुधबार ६ स्वास्थ्यकर्मीको पीसीआर रिपोर्ट पोजिटिभ आएसँगै अस्पतालकामा कोरोना संक्रमित स्टाफको संख्या १८ पुगेको छ ।
अस्पतालका निर्देशक प्रा.डा. रोहित कुमार पोखरेलले अस्पतालको आकस्मिक कक्षमा कार्यरत २ जना चिकित्सक र मेडिसिन वार्डमा कार्यरत ४ जना नर्समा कोरोना संक्रमण देखिएको जानकारी दिएका छन् ।
उनले संक्रमणपछि आकस्मिक कक्ष सिल गरिएको बताए । अस्पतालमा कार्यरत अरु चिकित्सक तथा नर्स लगायतका स्टाफको पीसीआर परीक्षणको नतिजा आएपछि सेवा सुचारु हुने जानकारी गराए ।
