काठमाडौँ, साउन ३ । नेपालका ६६ दशमलव ५ प्रतिशत कोरोना भाइरस (कोभिड-१९) संक्रमित निको भएको स्वास्थ्य तथा जनसंख्या मन्त्रालयले जानकारी दिएको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगमा सो कुराको जानकारी दिएका छन् ।
प्रवक्ता डा. गौतमका अनुसार पछिल्लो २४ घण्टामा ३३३१ जनाको पीसीआर परीक्षण गर्दा आज कोरोना संक्रमण नयाँ ५७ जनामा पुष्टि भएसँगै नेपालमा कोरोना संक्रमितको संख्या १७५०२ पुगेको छ । नेपालमा पछिल्लो २४ घण्टामा १०३ जनाले कोरोना जितेसंगै नेपालमा कोरोना भाइरस जित्नेको संख्या ११६३७ पुगेको छ । योसँगै नेपालमा कोरोना जित्नेको संख्या ६६ दशमलव ५ प्रतिशत पुगेको हो ।
देशभरका हालसम्म क्वारेन्टाइनमा २३२७५ जना र आइसोलेसन ५८२५ जना रहेको उनले बताएका छन् । नेपालमा कोरोना संक्रमणवाट ज्यान गुमाएनेको संख्या भने ४० पुगेको छ ।
५ सय भन्दा बढी कोरोना संक्रमित भएका तीन जिल्ला छन् । मन्त्रालयका अनुसार रौतहट, कैलाली र बाजुरामा ५ सय बढी संक्रमित रहेका छन् । त्यसैगरी कोरोना संक्रमण शुन्य हुने जिल्ला भोजपुर, पाँचथर, रसुवा, मनाङ, मुस्ताङ र हुम्ला हुन् ।
यो पनि पढ्नुहोस्
नेपालमा संक्रमितको संख्या १७५०२ पुग्यो, आज थपिए कोरोनाका नयाँ ५७ संक्रमित
नेपालमा अहिलेसम्म ११६३७ जनाले जिते कोरोना, थप १०३ जना घर फर्किए
