एजेन्सी, असार २७ । चर्चित बलिउड अभिनेता अमिताभ बच्चनमा कोरोना भाइरस (कोभिड-१९) को संक्रमण पुष्टि भएको छ । उनले आफूलाई कोरोना भाइरसको संक्रमण भएको सामाजिक सञ्जाल मार्फत जानकारी दिएका हुन् । उनले कोरोना परीक्षण गर्दा पोजेटिभ देखिएको बताएका छन् ।
‘ममा कोेरोना पोजेटिभ देखिएको छ, हस्पिटलमा सिफ्ट भएको छु,’ अमिताभले ट्वीटर तथा फेसबूक मार्फत जनाएका छन् । मुम्बईको एक अस्पतालमा उनको कोरोना परीक्षण गरिएको थियो ।
अमिताभको परिवार र स्टाफको कोरोना परीक्षण गरिएको छ । उनीहरुको नतिजा अझै नआएको बच्चनले जनाएका छन् । उनको ट्वीटपछि बलिउड सेलिब्रेटी र फ्यानले स्वाथ्य लाभको कामना गरेका छन् ।
T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !— Amitabh Bachchan (@SrBachchan) July 11, 2020
