३२ जेठ, काठमाडौँ । नेपालमा पछिल्लो २४ घण्टामा ६१ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या ९७४ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार ब्रिफिंगमा डा. जागेश्वर गौतमले सो कुराको जानकारी गराएका छन् ।
मन्त्रालयका प्रवक्ता डा. गौतमका अनुसार नेपालमा कोरोना संक्रमण निको भएर पछिल्लो २४ घण्टामा ६१ जना डिस्चार्ज हुनेहरुमा नारायणी अस्पतालबाट १२ जना, पाटन अस्पतालबाट १ जना, बीपी प्रतिष्ठानबाट ३ जना, गौर नर्सिङ इन्सि्टयुटबाट ९ जना, डडेलधुरा अस्पतालबाट ५ जना, दार्चुला अस्पतालबाट १ जना, डोटी अस्पतालबाट १ जना, सेती अस्पतालबाट ६ जना, सहपूर्वा आइसोलेसन सेन्टर बाँकेबाट ८ जना, खजुरा क्यान्सर अस्पतालबाट ८ जना र कोरोना विशेष अस्पताल दाङबाट ६ जना रहेका छन् ।
नेपालमा आज कोरोना भाइरस (कोभिड-१९) संक्रमण नयाँ ४२५ जनामा पुष्टि भएको छ । योसँगै नेपालमा कोरोना संक्रमितको संख्या ५७६० पुगेको छ । आज रुकुम पूर्व थपिएसंगै नेपालमा अहिलसम्म ७३ जिल्लामा कोरोना संक्रमण फैलिसकेको छ । आज ४२५ कोरोना संक्रमितहरुमध्ये ३७५ जना पुरुषहरु र ५० जना महिलाहरु रहेका छन् । नेपालमा अहिलेसम्म ५७६० कोरोना संक्रमितहरुमध्ये ५३२४ जना पुरुषहरु र ४३६ जना महिलाहरु रहेका छन् । आज कोरोना भाइरस जित्ने ६१ जनाहरुमध्ये ५५ जना पुरुषहरु र ६ जना महिलाहरु रहेका छन् ।
नेपालमा सिन्धुपाल्चोकमा १ जना, बाँकेमा १ जना, गुल्मीमा २ जना, बारामा १ जना, ललितपुरमा १ जना, अर्घाखाँचीका १ जना, दैलेखका १ जना, बाजुराका १ जना, दोलखाका १ जना, पाल्पाका १ जना, सुर्खेतका १ जना, डोल्पा १ जना, कैलालीका १ जना, स्याङ्जाका १ जना, चितवनका १ जना, अर्घाखाँचीका १ जना, पर्साका १ जना र बाराका १ जना गरी १९ जनाको कोरोना संक्रमणबाट मृत्यु भईसकेको छ ।
यो पनि पढ्नुहोस्
नेपालमा संक्रमितको संख्या ५७६० पुग्यो, आज थपिए कोरोनाका नयाँ ४२५ संक्रमित
