१ असार, काठमाडौँ । नेपालमा पछिल्लो २४ घण्टामा ६७ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या १०४१ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार ब्रिफिंगमा डा. जागेश्वर गौतमले सो कुराको जानकारी गराएका छन् ।
मन्त्रालयका प्रवक्ता डा. गौतमका अनुसार नेपालमा कोरोना संक्रमण निको भएर पछिल्लो २४ घण्टामा ६७ जना डिस्चार्ज हुनेहरुमा कोभिड १९ अस्पताल जनकपुरबाट २४ जना, पाटन अस्पतालबाट ४ जना, कोभिड १९ युनिफाइड कमाण्ड अस्पताल बलम्बुबाट २ जना, त्रिवि शिक्षण अस्पतालबाट २ जना, कलैया अस्पताल बाराबाट ६ जना, साई कृष्ण आइसोलेसनबाट १७ जना र कोरोना विशेष अस्पताल दाङबाट १२ जना रहेका छन् ।
नेपालमा आज कोरोना भाइरस (कोभिड-१९) संक्रमण नयाँ ४५१ जनामा पुष्टि भएको छ । योसँगै नेपालमा कोरोना संक्रमितको संख्या ६२११ पुगेको छ । आज ४५१ कोरोना संक्रमितहरुमध्ये ४१६ जना पुरुषहरु र ३५ जना महिलाहरु रहेका छन् । नेपालमा अहिलेसम्म ६२११ कोरोना संक्रमितहरुमध्ये ५७४० जना पुरुषहरु र ७७१ जना महिलाहरु रहेका छन् । नेपालमा पछिल्लो २४ घण्टामा ६७ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या १०४१ जना पुगेको छ । १०४१ जना कोरोना जित्नेहरुमध्ये ९३७ जना पुरुषहरु र १०४ जना महिलाहरु रहेका छन् । नेपालमा अहिलसम्म ७३ जिल्लामा कोरोना संक्रमण फैलिसकेको छ ।
नेपालमा सिन्धुपाल्चोकमा १ जना, बाँकेमा १ जना, गुल्मीमा २ जना, बारामा १ जना, ललितपुरमा १ जना, अर्घाखाँचीका १ जना, दैलेखका १ जना, बाजुराका १ जना, दोलखाका १ जना, पाल्पाका १ जना, सुर्खेतका १ जना, डोल्पा १ जना, कैलालीका १ जना, स्याङ्जाका १ जना, चितवनका १ जना, अर्घाखाँचीका १ जना, पर्साका १ जना र बाराका १ जना गरी १९ जनाको कोरोना संक्रमणबाट मृत्यु भईसकेको छ ।
यो पनि पढ्नुहोस्
नेपालमा संक्रमितको संख्या ६२११ पुग्यो, आज थपिए कोरोनाका नयाँ ४५१ संक्रमित
