सरकारप्रति नेपाल औषधि व्यवसायी संघ नवलपरासीको गम्भीर ध्यानाकर्षण Nepalpatra सरकारप्रति नेपाल औषधि व्यवसायी संघ नवलपरासीको गम्भीर ध्यानाकर्षण
१७ फाल्गुन २०७७, सोमबार

सरकारप्रति नेपाल औषधि व्यवसायी संघ नवलपरासीको गम्भीर ध्यानाकर्षण


नेपाल औषधि व्यवसायी संघ नवलपरासी
डा. राम बहादुर बोहरा
डा. राम बहादुर बोहरा

चैत ९, नवलपरासी । सरकारलाई नेपाल औषधि व्यवसायी संघ नवलपरासीको गम्भीर ध्यानाकर्षण गराएको छ । पूर्व जिल्ला नवलपुरको नेपाल औषधि व्यवसायी संघको बैठकको निर्णय अनुसार सम्पुर्ण औषधि व्यवसायीको हकहितलाई ध्यानमा राखी विहान ९ बजेदेखि साँझ ५ बजेसम्म दैनिक औषधि पसल खुल्ला गर्ने र अन्य समयमा बन्द गर्ने भनी जिल्ला प्रशासन कार्यालय डेलिकेसन गएकोमा यस्तो हुदैन यसले नागरिकलाई असर हुनसक्छ अझ सोच्नुस् भन्ने जवाफ आएको छ ।

सवैभन्दा जोखिमको सुचीमा क्लिनिक र फार्मेसी देखिएका छन् । यसतर्फ सरकारको ध्यानाकर्षण गराउन चाहान्छौं । हामीले बुझे अनुसार इनफेरेड थर्मा मिटर फेस्मास्क र सेनिटाइजर जस्ता अत्यावश्यक बस्तु नै उपलब्ध नभएको अवस्था छ । यस्तो अवस्थामा आफुलाई नै जोखिममा राखेर काम गर्नुको पिडा स्वास्थ्य मन्त्रालयले बुझ्न आवश्यक छ ।

विगतमा आफ्नो स्वास्थ्यको कुनै प्रबाह नगरी काम गर्दै आएकोमा अहिले बाध्यताबश यस किसिमको कदम चाल्नुपर्ने भएको छ । यस विषयमा सबैको ध्यान जान आवश्यक छ । तर नागरिकको स्वास्थ्यमा ध्यान दिन पनि आवश्यक छ बुझ्दा-बुझ्दै यस किसिमको कदमले सबैलाई मार पर्न सक्ने अवस्था देखिएको छ ।

सरकारले अनिवार्य रूपमा जे जसरी हुन्छ चीनबाट मगाएर भएपनि इनफेरेड थर्मामिटर, मास्क, ग्लोप्स, सेनिटाइजर जस्ता अत्यावश्यक बस्तु विक्रि डिपो स्थापना गरेर जनताको आवश्यकतालाई हेर्नुपर्ने समय देखिएको छ ।

बदलिदो समय अनुसार सवैभन्दा जोखिमको सुचीमा फार्मेसिमा बस्ने फार्मासिष्ट, डाक्टर, नर्स र ल्याब, अहेब सवै जोखिमको सुचीमा भएको नकार्न सकिदैन । यसतर्फ नागरिक समाज र स्वास्थ्य विभागको ध्यान पुग्न आवश्यक देखिन्छ ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेकका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !