नवलपुर । गत फाल्गुन १९ गतेदेखि आज चैत २ गते बुधबारसम्म योग निश्चिन्तवृति निरोध पतन्जली योग समिति गण्डकी प्रदेश र नवलपुरको तत्वावधानमा संचालित नि:शुल्क योग विज्ञान शिविर-२०७८ मध्यविन्दु-६ टाडी फुटबल ग्राउन्डमा भएको थियो ।
उक्त शिविरमा त्यहाँका बासिन्दाहरूले योग गरेर स्वास्थ्य लाभ प्राप्त गरेका थिए । यसरी योगद्वारा हामीले विविध स्वास्थ्य लाभ उठाउन सक्ने अवसर यो शिविरबाट प्राप्त भएको देखिन्छ ।
समय समयमा यस्ता नि:शुल्क योग शिविर लगाउन सके यसबाट थुप्रै जनताले फाइदा उठाउन सक्नु भएको यो योग शिविरले देखाएको छ ।योग र मानवको स्वास्थ्यसंग परस्पर सम्बन्ध रहेको छ । योग मान्छेले मात्र होइन पशुले पनि योग गर्ने गरेको हुन्छ ।
योगको भाव अर्थ यौगिक क्रियाहरूको माध्यमबाट शरीर, मन र आत्मा बीचमा संयोग स्थापित गर्नु नै योग हो । विवेकको साधना गर्नु, मनको विग्रह नियन्त्रित गर्नु, आत्म साक्षात्कार गर्नु नै योग हो । हामी सबै मनुष्यभित्र आत्मा छ। त्यही आत्मालाई परमात्मासँग मिलाउनु नै योग हो । यसले एउटा कुरा के सिद्ध गर्दछ भने योग हरेक मानवको लागि आवश्यक छ ।
यो योग शिविरमा गणेश आचार्य र उनकी धर्मपत्नीद्वारा योगाभ्यास गराइएका केही दृश्य तल दिइएको छ :
