काठमाडौं, २१ भदौ । ललितपुरका सिडिओ नारायणप्रसाद भट्टले कोरोना संक्रमणको जोखिम बढिरहेकोले काठमाडौं उपत्यकामा दशैंसम्म निषेधाज्ञा जारी राख्नुपर्नेबताएका छन् ।
सिडिओ भट्टले आज बसेको प्रतिनिधिसभाको शिक्षा समिति अन्तर्गतको उपसमितिमा बोल्दै निषेधाज्ञा लगाएकै कारण आज काठमाडौं उपत्यकामा संक्रमण ठूलो मात्रामा नफैलिएको दाबीसमेत गरेका थिए ।
शिक्षा समिति अन्तर्गतको उपसमिति बैठकमा काठमाडौंका सिडिओ जनकराज दाहालले भने काठमाडौं उपत्यका प्रवेश गर्ने नाकाहरुमा कडाई गर्नुपर्ने बताए । सिडिओ दाहालले यसको लागि नेपाली सेना परिचालन गर्नुपर्ने पनि बताएका थिए ।
