बोसोरहित स्वस्थकर जीवन
हाम्रो स्वास्थ्य सवल होस्, रोगसंग लड्ने क्षमतामा वृद्धि होस् भन्ने चाहना भए हामीले त्यस्ता खाना खाऔ, जसले हाम्रो स्वास्थ्यमा राम्रो प्रभाव होस् । आज मैले यसै विषयमा केन्द्रित रहेर भेली कसरी खाने यसको प्रयोगबाट के के फाइदा हुनसक्छ भन्ने जानकारी पस्कने जमर्को गर्दैछु ।
भेलीमा सवै प्रकारको तत्व पाइने भएकाले यो खानाले थुप्रै फाइदाहरू छन् । जाडो मौसम होस् या गर्मी मौसम किन नहोस्, यसको सेवनले शरीरमा तागत दिन निकै उपयोगी हुन्छ । मौसम अनुसार भेलीको प्रतिदिन सेवनले रुघाखोकी र कफको समस्याबाट बचाउँछ ।
यस्ता छन् भेलीको सेवनबाट हुने फाइदाहरू
१. भेली म्याग्नेशियमको राम्रो स्रोत हो । भेली खाँदा मांशपेशीहरू, नसा र रक्त वाहिकाको थकानबाट आराम मिल्छ र रगतको कमीलाई पुरा गर्न पनि यो निकै राम्रो स्रोत हो ।
२.भेलीलाई नियमित रूपमा सेवन गर्दा रक्तसंचारलाई सन्तुलित बनाई राख्न मद्दत गर्नुको साथै रक्तचापको समस्यामा पनि राम्रो फाइदा हुन्छ ।
३. फोक्सोमा संक्रमण चाँडो फैलिन्छ । यसबाट बाच्नको लागि भेलीको सेवनले निकै मद्दत गर्दछ ।
४. पाचन सम्बन्धि समस्याहरूको उपचारमा पनि भेलीको सेवन निकै लाभकारी हुन्छ । खाना खाइसकेपछि थोरै भेलीको सेवन गर्दा पाचन प्रक्रियामा सुधार आउँछ ।
५. रगतको कमि हुनेलाई नियमित भेलीको सेवन गर्नु धेरै फाइदा पुग्दछ ।
६. जण्डिसका रोगीले थोरै भेलीसंग पानी सेवन गर्नाले यो रोग चाडो निको हुन्छ ।
७. सुगरका रोगीले भने भेली खानुहुदैन ।
८. बाहिर जाँदा धुलोका कणहरू नाक र मुखबाट भित्र पस्ने हुनाले नियमित भेली पानीसंग सेवन गर्नाले सफा गर्ने काम यसले गर्दछ ।
९. दैनिक नियमित मनतातो दूध र भेलीको सेवनले शरीरबाट बेकार चीज बाहिर निस्किन्छ । जसबाट तपाई निरोगी बन्नुहुन्छ ।
१०. तातो दूधको साथ भेलीको सेवनले महिनावारीको अवधिमा हुने दुखाईबाट आराम दिलाउन सक्छ ।
११. तातो दूध र भेलीको सेवनले छाला नरम हुनुको साथ-साथै छाला सम्बन्धि समस्या हल हुन्छ ।
यो पनि पढनुहोस्
पत्थरी फाल्ने अचूक घरेलु औषधी गहत
रोग लाग्नु भन्दा रोग नै लाग्न नदिनु राम्रो
कस्तो सागसब्जी खाने ? यस्तो छ डा. राम बहादुर बोहराको सुझाव
*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेकका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।
