एजेन्सी, भारतकी चर्चित सितारवादक अनुष्का शंकरले पाठेघरको संक्रमणले निकै ठूलो रुप लिएपछि आफ्नो पाठेघर निकालेको फेसबुक पोष्टमार्फत् जानकारी दिएकी छिन् ।
उनले लेखेकी छिन्, ‘गत महिना मैले दोहोरो शल्यक्रिया गराएँ । अब मसँग पाठेघर छैन । मेरो पेट र पाठेघरमा करिब १३ ट्युमर थिए । जसका कारण मेरो पाठेघर ६ महिनाको गर्भवती महिलाको जस्तो भएको थियो । डाक्टरले शल्यक्रियामार्फत् त्यसलाई निकालिदिए । केही महिनाअघि जब मेरो पाठेघर निकाल्नुपर्छ भनेर जानकारी पाएँ तब म तनावमा परेँ ।’
