२१ साउन, काठमाडौं । रेडियो तथा स्टेज कार्यक्रम सञ्चालकको रुपमा पछिल्लो समयमा निकैनै लोकप्रियता कमाएका युवा सञ्चारकर्मी टम्पशेर राईले ‘बाबाले रोजेको’ बोलको गीतमार्फत कलाकारितामा डेब्यु गरेका छन् ।
सञ्चारकर्मी राईको आफ्नै शब्द संगीतमा रहेको ‘बाबाले रोजेको’ गीतमा प्रथम नेपाली तारा दीपक लिम्बू र नव गायीका अल्का कार्कीढोलीको आवाज रहेको छ ।
राईको संगीतमा रहेको गीत आईतबार साझ ६ बजे सङ्सनेपाल नामक युट्युब च्यानलमार्फत सार्वजनिक भएको छ ।
त्यस्तै म्यूजिक भिडियोको छायांकन रामकृष्ण चौलागाईले गरेका हुन् भने सम्पादन अर्जुन पोखरेलले गरेका छन् । काठमाडौंस्थित मुनलाईट फिल्मसँका सञ्चालन तथा युवा निर्देशक आशिक राईको निर्देशनमा सो म्यूजिक भिडियो तयार भएको हो ।
हेर्नुहोस् भिडियो:
