काठमाडौँ । नेपालको १० हजार मेगावाट बिजुली खरिद गर्ने प्रस्ताव भारतीय मन्त्रिपरिषद्बाट स्वीकृत भएको छ । भारतका लागि नेपाली राजदूत डा. शंकर शर्माले हालै बसेको भारतीय मन्त्रिपरिषदको बैठकले उक्त प्रस्ताव स्वीकृत गरेको जानकारी दिएका हुन् ।
सामाजिक संजाल ट्वीटरमा लेख्दै राजदूत शर्माले भारतको मन्त्रिपरिषद्ले आगामी १० वर्षभित्र १० हजार मेगावाट विद्युत् खरिद गर्ने स्वीकृतिले नेपालमा विद्युत् विकासको नयाँ मार्गचित्र तयार गर्ने बाटो खुला गरेको बताएका छन् ।
उनले यसले नेपालको आर्थिक विकास र पुनर्संरचनामा महत्वपूर्ण भूमिका खेल्न सक्ने पनि औलाएका छन् । भारतीय मन्त्रिपरिषदको निर्णयसँगै अब नेपालमा थप बिजुली उत्पादन गर्ने, प्रोजेक्टहरू कसरी बनाउने भन्नेबारे अध्ययन अघि बढ्ने बताइएको छ ।
प्रधानमन्त्री पुष्पकमल दाहाल ‘प्रचण्ड’ को गत जेठ महिनामा भएको भारत भ्रमणका क्रममा भारतीय प्रधानमन्त्री नरेन्द्र मोदीले १० वर्षमा नेपालबाट १० हजार मेगावाट बिजुली किन्ने लक्ष्य राखिएको बताएका थिए ।
India’s cabinet approval to purchase 10,000 MWs of electricity from🇳🇵in the next ten years has paved the way to develop a new road map for electricity development in🇳🇵.
This could play a significant role in the economic development and restructuring of Nepal. pic.twitter.com/x0IOzP3VLz
— Dr. Shankar P Sharma (@DrShankarSharma) September 5, 2023
यो पनि पढ्नुहोस्
