काठमाडौं । सशस्त्र प्रहरीमा जागिरको अवसर खुलेको छ । सशस्त्र प्रहरी बलले स्थायी पदपूर्तिका लागि आवेदन माग गरेको हो ।
भर्ना तथा छनोट शाखा, हलचोक, स्वयम्भूले नयाँ भर्ना सम्बन्धी आज एक सूचना जारी गर्दै आवेदन माग गरेको हो । रिक्त रहेको साधारण समूह, साधारण उपसमूहतर्फ सशस्त्र प्रहरी जवान पदमा खुला प्रतियोगिताद्वारा ९३२ पदमा पदपूर्तिका लागि दरखास्त माग गरिएको छ ।
आगामी साउन २८ गतेसम्म इच्छुकले आवेदन दिन सक्नेछन् । तोकिएको म्यादभित्र राजश्व नतिरेको र रित नपुर्याएको निवेदन पेस नहुने सूचनामा उल्लेख छ ।
