असोज २, काठमाडौँ । सनराइज बैंकले आफ्नो दशौ वार्षिकोत्सवको उपलक्ष्यमा संस्थागत सामाजिक उत्तरदायित्व कार्यक्रमअन्तर्गत् नेपाल बाल संगठनमा एक कार्यक्रमको आयोजना गरी त्यहाँ रहेका १४० जना बालबालिकाहरुलाई सहयोग सामग्रीहरु वितरण गरेको छ ।
बैंकले प्रत्येक वार्षिकोत्सवको अवसरमा नेपाल बाल संगठनमा रहेका बालबालिकाहरुलाई विविध सामाग्रीहरु वितरण गर्दै आइरहेको छ ।
यस वर्ष पनि बैंकले विविध सामाग्रीहरुलगायत खाद्य सामाग्री, जाडो महिनाका लागि ५३ थान सिरक वितरण गरेको छ ।
उक्त सामाग्रीहरु बैंकका सन्चालक समितिका अध्यक्ष मोतीलाल दुगडलगायतका सन्चालकहरुले वितरण गरेका थिए ।
