काठमाडौँ । स्थानीय बजारमा आज सुनको मूल्य प्रतितोला २०० ले ओरालो लागेको छ । नेपाल सुन चाँदी व्यवसायी महासङ्घका अनुसार छापावाला सुन प्रतितोला २०० ले घटेर ९१ हजार ३०० मा कारोवार भएको छ । बिहीबार छापावाला सुन प्रतितोला ९१ हजार ५०० मा कारोवार भएको थियो ।
तेजाबी सुन प्रतितोला ९० हजार ८०० मा कारोवार भएको छ । बिहीबार प्रतितोला ९१ हजारमा कारोवार भएको थियो । चाँदी आज प्रतितोला एक हजार १६५ मा कारोवार भएको छ । बिहीबारका तुलनामा चाँदी प्रतितोला १० ले ओरालो लागेको हो । बिहीबार चाँदी प्रतितोला एक हजार १७५ मा कारोवार भएको थियो ।
