कर्कट राशिको शुभ, अशुभ, भाग्य तथा भविष्य
कर्कट राशि (ही हू हे हो डा डी डू डे डो)
स्वामी : चन्द्रमा
शुभ अंक : २
शुभ बार : सोमबार, मंगलबार र बिहीबार
घातबार : बुधबार
शुभ रत्न : मोति, पुष्पराज
शुभ दिशा : उत्तर र पश्चिम
शुभ रंग : सेतो (सधैँ सेतो रुमाल गोजिमा बोक्नाले शुभ हुन्छ)
अशुभ राशि : कर्कट राशि हुनेलाई कुम्भ राशि शत्रु हुने गर्छ । कर्कट राशिका स्त्रि वा पुरुषले कुम्भ राशि भएका नर नारीसँग बिबाह गर्नुहुँदैन ।
स्वास्थ्य : कर्कट राशिका मानिसलाई बढि चिसोले सताउने र जाडोको महशुस हुने गर्छ ।
भाग्य : २४ वर्षमा भाग्योदय हुने तर चन्द्रमा कमजोर वा निच भएको खण्डमा पानीमा डुब्ने प्रबल सम्भावना हुन्छ । पूर्णिमाको चन्द्रमालाई हेरी रातो वस्तु हेरेमा शुभ हुनेछ । शिवको उपसना गरी शुक्रबार ब्रत बसेमा राम्रो हुनेछ ।
कर्कट राशिका मानिसको मित्रता र बिबाह : मेष, वृष, सिंह, कन्या, वृश्चिक, धनु र मिन राशिसँग उत्तम हुने देखिन्छ । कर्कट राशिका केटीले जीवनसाथी रोज्दा वा खोज्दा मेष राशिका पुरुषसँग गर्दा साह्रै शुभ हुन्छ ।
स्वभाव : भावुक, चञ्चल, परिवर्तशिल बानी हुने गर्छ । शारीरिक बलको काम भन्दा मानसिक श्रम गर्न रुचाउने, सानो समस्या आएपनि हडबढाउने बानी हुन्छ । कठिन अवस्थामा नारीले पुरुषलाई पुरुषले नारीलाई साथ दिनेछन् । चन्द्रमाको महिना श्रावण हो । चन्द्रमाको सिधा सम्बन्ध मन र मस्तिष्कमा बढि पर्ने गर्दछ । कर्कट राशिा व्यक्तिहरुलाई तीर्थयात्रा, घुमफिरमा बढि समय बिताउन मन लाग्छ । आफ्नो जीवनको अनुभव र अनुभूति व्यक्त गराउने बानी हुन्छ । श्रीमान श्रीमतीमा बढि मनमुटाब भइरहन्छ । दिएको पैसा फर्कदैन । ससाना कुरामा शंका गर्ने बानी दुवैको हुन्छ ।
*गुरु परासर ज्योतिष सेवा केन्द्रका प्रमुख ज्योतिष, वास्तुविद् तथा रत्नविद् गुरु परासर विगत १३ वर्षदेखि यी पेशामा संलग्न हुनुहुन्छ ।
