असोज २२, काठमाडौँ | एक नेपाली युवाले विश्वको दोस्रो ठूलो आर्थिक शक्ति चीनमा त्यहाँको राष्ट्रिय टेलिभिजनले संचालन गरेको सांगीतिक प्रतियोगितामा प्रतिस्पर्धा गरिरहेका छन् ।
दौरा–सुरुवाल र ढाकाटोपीमा ठाँटिएर सन्देश सिंह देउजाले चिनीया गीत गाउँदा त्यहाँको माहोल नै अर्कै बन्ने गरेको छ । अहिले चीन हल्लाइरहेका छन्, नेपाल र नेपालीको सान बढाइरहेका छन् ।
भक्तपुर स्थायी घर भएका देउजा अध्ययनका लागि चीन पुगेका हुन् । सानैदेखि संगीतमा रुची राख्ने उनी चिनीया संगाीतिक प्रतियोगितामा प्रतिस्पर्धा गरेर नेपाली प्रतिभाको चिनारी मात्र दिएका छैनन् कि नेपाललाई चीनभर प्रचार प्रसार गरिरहेका छन् ।
