नयाँ वर्ष २०७३ कता गएर मनाउने योजना गर्दै हुनुहुन्छ ? यदि काठमाडौंको आसपास हुनुहुन्छ, धेरै टाढा जाने मनशायमा हुनुहुन्न, हाइकिङ्गको सौखिन हुनुहुन्छ, प्रकृतिको काखमा लुट्पुटिने चाहना व्यग्र छ भने तपाईंका लागि एक उत्तम गन्तव्य हुन सक्छ: काठमाडौंको उत्तरी भेग अवस्थित सुन्दरीजलदेखि चिसापानीसम्मको यात्रा ।
सुन्दरीजलदेखि चिसापानी ४/५ घण्टाको हिंडाइमा पुगिन्छ । यात्रामा तपाईंले वनजंगलले दिने उपहार अर्थात् शीतलता र प्राणवायु (अक्सिजन ) को विशुद्द स्वाद लिदैं छिनोले टम्म मिलाएका ढुंगाको बाटोको पदयात्राको आनन्द लिन सक्नु हुन्छ । त्यहाँको प्राकृतिक छटामाझ हर्षविभोर हुँदैं एक दुई रात त्यहीं गुजार्न सक्नुहुन्छ । यात्राको थकानले राती चाँडै निन्द्रा लागे पनि बिहानी पख उठेर मुख धुदैं गर्दा सेता दन्तलहरझैं टल्किने हिमचुलीमा घाम झुल्केको दृश्य देख्न पाउँदा तत्काल आफूँमा उर्जा र प्रकृतिप्रतिको विनम्रता ह्वात्तै बढेको पाउनुहुनेछ ।
यदि तपाईंसंग एक दिनको मात्र समय छ र एकै दिनमा चिसापानी पुगेर फर्किन चाहनुहुन्छ भने आफ्नो घरमा खान खाएर बाइकमा सुन्दरीजलभन्दा थोरै तलबाट हुइँकिन सक्नुहुन्छ।
यदि ३ दिनको समय छ भने दोस्रो दिन चिसापानीबाट मुलखर्क हुँदै नगरकोटसम्म पुन: खुट्टा तन्काउन सक्नुहुन्छ र एक रात त्यहीं बसेर काठमाडौं फर्किन सक्नुहुन्छ ।
केशव अधिकारी र साथिहरुको क्यामेरामा कैद केहि मनमोहक दृश्यहरु:
