अँध्यारो बनाई सारा संसार
मुहार फेरि आयौ तिमी
अबोध बालकले बजाएका बाजा जस्तै
सुख र दुखको समिस्श्रण बाँकी
वरिपरिको वातावरणलाई श्रङ्गार गर्न
तिम्रो पर्खाईमा बसिरहेका
ती आाशावादी बोटबिरूवाहरू
अनि ती पौरखी किसानहरूलाई
फेरि नयाँ जीवन दिन्छौ होला तिमीले
तर बाचा तिमीले गर्नैपर्छ
किनकि मलाई डर छ
कतै तिम्ले आफ्ना भयानक रूप देखाउछौ
अनि परार साल भुकम्पले नचाएका
रामे दाजुको फेरि उही हालत त हुन होइन
मलाई डर त कतै तिमीले
मातृभूमिको रूपलाई बिगारिदिने त होइन
कतै माना रोपेर मुरी फलाउने
अाशा मार्ने त होइन तिमीले
कतै मेरो देशको स्तम्भ ढाल्ने त होइनौ
कतै तिमी अखबारका ती
प्रथम पृष्ठमा आउने त होइन
तर मलाई आशा छ
तिमीले सबैको उत्पीडन बुझ्छौ
सबैलाई नयाँ आाशा दिन्छौं
सबैको मुहारमा मुस्कान छरिरहन्छौ
हे मेरो प्रिय झरि
हे मेरो प्रिय झरि ॥
