बाबाको सपना र मेरो यथार्थ
परदेशी मित्रको आदर्श र मेरो बाध्यता
गरिब नेपालीको बाच्ने आधार हो नेपालको बैदेशिक रोजगार ।
भुमिहिनको खेत र अदक्षको श्रोत
बिदेशको आर्थिक बिकास र गरिबको निकास
धनिको पाताल र गरिबको आकाश हो नेपालको बैदेशिक रोजगार ।
बहिनिको खुसी र आमाको चाहना
पूरा गर्ने गरिब नेपालिको एक्लो बाहना
आर्थिक क्रान्तिलाइ देख्ने एक्लो आधार हो नेपालको बैदेशिक रोजगार ।
बयस्क हो या भविस्यका कर्णधार
उद्देश्य लिइ बोक्ने ब्ययभार
धेरै भए श्रममा दुराचार यहि हो नेपालको बैदेशिक रोजगार ।
जब भयो फ्री भिसा फ्री टिकट
दुर्गमबासी नेपाली भए यसको निकट
गरिबी निवारणको खोजिएन अर्को आधार भयो नेपालको वैदेशिक रोजगार ।
–स्काइ पोख्रेल
