शोभा काफ्ले खतिवडा
यो हजार थान कहिल्यै पनि नहोस् !
मेची,काली अनि त्यो सगरमाथाको !
उच्च शिर कहिँ र कहिल्यै नझुकोस् !!१!!
हरेक हिमालबाट यसै उभिएर हेर्दा !
तराईकोसम्म फाँट सँधै देखियोस् !!
देशका हरेक भूमिहरुमा पुगि टेक्दा,!
जगतको पुण्य भूमि यही देखियोस् !!२!!
अव मेची रुँदा पनि सड्गै नै रुझुन है !
माहाकाली भिरका हरेक आँखाहरु !!
प्यारो देश दुख्दा मुटु नै दुखुन सबैका ;
अनि देश बन्दा हाँसुन हाम्रा मनहरु !!३!!
योग्य अनि कर्मशिल सन्तानहरु हुन ;
रमझम बनुन देशका भिर र पाखाहरु!
सगरमाथा पनि अव त पुगुन है घुम्दै ;
गाउनलाई तराईका मिठा भाकाहरु !!४!!
यो देश दुखोस् अव हरेक मनहरुलाई
मुटुभरी पनि मात्र देशनै पो पलाओस् !
सत्तादेखि घर,गाऊँ अनि हरेक टोलमा ;
एकताको भाव मात्र सर्वत्र नै जागोस !!५!!
देश रहँदा नै त रहन्छौ सँधै हामी पनि ;
यस्ता कुरा हामीले अव बुझ्नु नै पर्छ !
देशको शान र मान बढाउँदा खेरि पो;
हाम्रो मान पनि यो जगतमा नै बढ्छ !!६!!
के लानलाई पाइन्छ र मरेपछी पनि ?
मनको भाव असल बनाई राखौँ हामी
जनताको पिडा नबुझेर पो के गर्ने र?
मनको भाव जोगाएर मात्र राखौँ अनि !!७!!
बनुन विस्वासका हर महलहरु पनि !
चुलउन पुगि त्यो शिखरै भरी नै टन्न !!
पिडाले यहाँ नछटपटियुन है त कोही;
बालक,बृद्द युवा र वयस्कहरु नै सम्म !!७!!
कति थोक गर्छु भन्दा भन्दै हेर त यहाँ;
युगहरु कति कति व्यतित पो भै सके !
सत्कर्म र शुभ कर्म कति गर्छु भनेर पनि
कति आाषामा कैयौँ मनहरु मरि सके !!८!!
कसो नभेटिएला त यो हिमालमा !
मेरो मनको एउटामात्र सुन्दर देश !
कसो नपग्लिएलान त अव मनहरु?
बनाउनलाई यसको अतिअपूर्व भेष !!९!!
सत्ता र भत्ता अनि पद र यो प्रतिष्ठा!
यसैको लिप्सामा नअल्झिउँ है अव
यो देश हाम्रो शिरको पो मणि झैँहो
देशको मान,सम्मान,इज्जत हो तव !!१०!!
एक पटक चिनिनु पर्छ है अव सबैले !
असल नेपाली हौँ यो देशका सबै भनि
मुटु भरी देश र जनता नै मात्र त छन् !!
भनेर चिनियोस यो देश र सत्ता पनि !!११!!
गर्छु भन्दा त केहि नै गर्न सकिदैन नि !
गरिहाले पोत यो देशै हाम्रो बन्छ नि !
हातमा छ डाडु पन्यु विकास पस्क न !
उर्जामा तिम्रा विवेक लगानी गर अनि देश समृद्द सुन्दर बनाऊ !!१२!!
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
