असार १० मा प्रर्दशन हुन लागेको चलचित्र लुकामारीमा, एकसाथ देखिएका छन अभिनेता कर्मा शाक्य र अभिनेत्री सुरविना कार्की।
कर्मा को आफु फ्यान रहेको बताउने अभिनेत्री सुरविना फिल्म ‘लुकामारी ‘ मा संगै अभिनय गर्न पाउदा निकै खुसि छिन, यतिमात्र होइन, अहिले उनीहरूको मित्रता पनि खूब जमिरहेको छ । फिल्मको प्रचारप्रसारमा सँगै दौडिन थालेका छन् । अन्तर्वार्तामा खुलेर कुरा गरिरहेका छन् ।
हालै मज्जाको टिभीसँगको एक कुराकानीमा सुरविनाले कर्माको खुलेर प्रशंसा गरिन् । ‘उहाँ अभिनयमा डुबेर काम गर्नुहुन्छ’ त्योबाहेक उहाँको आँखा अलिकति नशालु रहेछ,’ उनले भनिन् ।
कर्माले पनि सुरविनाको प्रशंसा गर्दै भने सुरविनाजीको त फिगर नै नशालु । मुस्कान र हेराइ पनि त्यस्तै,’ कर्माको तारिफ सुनेर सुरविना मक्ख छिन् । ‘यसरी तारिफ त अहिलेसम्म मैले कहिले पनि पाएको थिइनँ,’ उनले भनेकी थिइन् ।
सुरविनाले कर्मासँग सुटिङ सेटमा ‘लुकामारी’ हुने गरेको स्विकारिन् । ‘उहाँ सेटमा त्यति बोल्नुहुन्नथ्यो,’ सुरविनाले भनेकी छिन्, ‘म खोजिरहेको हुन्थेँ, उहाँ लुकिरहनुहुन्थ्यो । फिल्ममा सँगै काम गर्दा एकअर्कासँग नजिक हुनुपर्छ, खुल्नुपर्छ भन्ने मलाई लाग्थ्यो।
