तिमी जितेर पनि
हारिदिने मान्छे !
मेरो भागमा खुशी
सारिदिने मान्छे !!
कसरी भुल्न सक्छु र म?
तिमीले लगाएको गुन
अह! सक्दिन म तिमीलाई
यो भिडमा एक्लै छोडन !
बिर्सिएर तिमीलाई
दोबाटोमा पाइला मोड्न !
त्यसैले प्रियतम नभनिदेउ
प्रिया मलाई भुलिदेउ भनेर
अह! यो हुनै सक्तैन !
हाम्रो प्रेम तुट्नै सक्तैन !
आकाश र बादल को झैँ
जून र ताराको झैँ
प्रगाढ सम्बन्ध बनाउनु छ
अझै मजबुत् बनाउनु छ
तिमी माथि ढलेको
स्वप्निल संसार
खडा गर्नुछ मलाई !!
हेरन ! त्यो उदाउँदो
सुर्येको लाली सँगै,
मेरा खुशीले भरिएका
सुनौला रङ्हरू
जतनले पोतेकी छु !
सजाएकी छु सपना
भुलेर सबै दु:खहरू,
फुलौला एकदिन साथमैँ
मेरै खुशीको लागि
हारिदिने मान्छे तिमी
तिम्रो खुशीको लागि म
संसार जित्न चाहन्छु !
मायाको गहिराई नापेर
खुशीको मुहान ल्याउछु
कदम कदम तिम्रो साथमा
हातमा हात राखेर !
लम्कौला जिन्दगीमा
सुनौला सपना साँचेर !
तोडौला एकदिन समाजको
कुरिति, कुसंस्कार अनि
जातभातका कुरा !
भत्काउँला समाजमा अवस्थित,
धनी र गरीब बीचको पर्खाल !
मलाई विश्वास छ ,
आउनेछ समय पक्कै !
हाम्रो पक्षमा
हाम्रो खुशी बोकेर !
उदाउनेछ भाग्य पक्कै,
चम्किलो रङ्हरू घोलेर !
धैर्य गर प्रियतम !
यो संसार बदलिनेछ
बम र बारुद बनाउने हातले
प्रेम गीत कोर्नेछन्
मानबीयता छाउनेछ
प्रेममय संसार बन्नेछ
प्रेमको जीत हुनेछ
अनि तिम्रो र मेरो जीत हुनेछ
मलाई पुरा बिस्वास छ
हाम्रो प्रेमको पालुवा
ध्रुब तारा झैँ अटल,
अमर बनेर चम्किरहने छ,
अनन्त कालसम्म !!
