काठमाडौं । नवराज लम्सालको अग्नि महाकाव्यले यो वर्षको मदन पुरस्कार बाजी मारेको छ । मदन पुरस्कार गुठीले मदन पुरस्कार-२०७८ श्रेष्ठ सूचीमा छानेका ८ पुस्तकहरूमध्ये अन्य ७ वटा कृतिलाई पछि पार्दै लम्सालको अग्नि महाकाव्यले बाजी मारेको हो ।
यसैगरी जगदम्बा-श्री पुरस्कार बनारसबाट प्रकाशित हुने ‘उदय’का सम्पादक दुर्गाप्रसाद श्रेष्ठलाई प्रदान गरिने भएको छ । मदन पुरस्कार गुठीको शनिबार सम्पन्न साधारणसभाले सो निर्णय गरेको अध्यक्ष कुन्द दिक्षितले सामाजिक संजाल ट्वीटरमार्फत जानकारी दिएका हुन् ।
दुवै पुरस्कारको राशि जनही ४ लाख रुपैयाँ रहेको छ । दुवै पुरस्कार घटस्थापनाको भोलिपल्ट प्रदान गरिनेछ । यसवर्षकाे पुरस्कारका लागि गुठीलाई प्राप्त भएका २९९ पुस्तकमध्ये बढीमा १० पुस्तक छनाेट गर्न बनेकाे समितिले ८ पुस्तक छनाेट गरेकाे थियो ।
डा. नवराज लम्सालकाे ‘अग्नि’, डा. दामोदर पुडासैनी ‘किशोर’काे ‘ग्रीष्मको नीलो बतास’, वसन्त बस्नेतकाे ‘महाभारा’, दिपा मेवाहाङ राईकाे ‘यादको सन्दुक’, डा. नयनाथ पौडेलकाे ‘लिच्छवि लिपि’, प्रा. नीलमणि ढुङ्गानाकाे ‘व्युत्पत्तिमूलक संस्कृत-नेपाली शब्दकोश’, सुजित मैनालीकाे ‘सती: इतिहास र मीमांसा’ र पद्मसुन्दर जोशीकाे ‘हिति प्रणाली’ मदन पुरस्कार-२०७८ काे लागि ८ पुस्तक छनाेट भएका थिए ।
संवत् २०७८ सालको जगदम्बा-श्री बनारसबाट प्रकाशित 'उदय'का सम्पादक श्री दुर्गाप्रसाद श्रेष्ठलाई,
र मदन पुरस्कार 'अग्नि' पुस्तकका लागि डा नवराज लम्साललाई अर्पण गर्ने निर्णय गरियो। @MadanPuraskar pic.twitter.com/aYwHxZOXFc— Kunda Dixit (@kundadixit) August 27, 2022
