शोभा खतिवडा काफ्ले
म शिरमा नै सजाऊँ
मेरो प्यारो देशलाई !
म पाउमा पूजा गरौँ;
मेरो यो देशको समाई !!१
म क्षमा नै मागौँ कि ;
मेरो प्यारो राष्ट्रसित !
अव गर्छु म यो देशको ;
भनि हरपल नै हित !! २
अव त क्षमा ना मागौँ;
यो हाम्रो भूमि सित !
अनि क्षमा मागौँ न;
नेपाली जनतासित !! ३
मलाई ज्यान भन्दा नि;
प्यारो छ यो जन्म भूमि !
मेरो देशको हित अव म;
चिताऊँ हरेक जूनि जूनि !! ४
बाचा नि धेरै नै गरेँ मैले;
धेरै नै ढाँटे यो देशलाई !
कस्तो सुन्दर पार्छु भन्दै ;
यस्तो पारेँ यो देशलाई !! ५
अव सत्य कर्म गरेर म;
क्ष्यमा मागौँ यो देशलाई !
नेपालको स्वरुप फेरी कन
सुन्दर पारौँ म यो देशलाई !! ६
मैले हिमाल पनि चिनिन रे;
पाहाडको सुन्दरता देखिन रे !
तराईमा सुन फल्छ भन्ने कुरा;
कहिले मैले बुझिन पो अरे !! ७
* शोभा खतिवडा काफ्ले लेखक, साहित्यकार, सामाजिक अभियन्ता तथा श्री शान्ति विद्यागृह उच्च मा. वि. लैनचौर; काठमाण्डौकी शिक्षिका हुनुहुन्छ । उहाँका राष्ट्रिय भावनाले ओतप्रोत भएका उत्कृष्ठ रचनाहरुले सच्चा देशभक्त नेपालीको मन जितेका छन । उहाँले साहित्यको माध्यमवाट देशको राष्ट्रियता, सार्वभौमिकता, भौगोलिक अखण्डता र स्वाभिमानको विषयमा निरन्तर कलम चलाउदै आउनु भएकी राष्ट्रिय कवयत्री हुनुहुन्छ ।
