हिन्दू धर्म संस्कृतिलाई केलाएर हेर्ने हो भने विश्वले हिन्दू राज्य केवल नेपाल हो भन्ने छ । यहाँ नेतृत्वको सवैभन्दा ठूलो कमजोर भनेकै पश्चिमाको निर्देशनमा धर्मनिरपेक्षता लाद्नु हो । आज धर्म संस्कृतिमाथि ठूलो प्रहार हाम्रै नेतृत्वबाट भएको छ ।
भारतले हिन्दू धर्म संस्कृतिलाई बचाउने पक्षमा देखिएको छ । भुत, भविष्य र बर्तमानलाई नहेरी जब हामी अघि बढ्न थाल्छौं भने यसको नतिजा राम्रो पक्कै हुने छैन । पशुपतिनाथको स्थापना कालदेखि हिन्दू धर्म संस्कृतिले नेपाल भनेर चिनिने गर्दथ्यो । विश्वका हिन्दूहरूले नेपाल भुमिलाई पुज्दथे तर अहिले सवै उधो गतिमा चल्दैछ । धर्मलाई आधार बनाएर जनता लडाउने काम हुदैछ ।
हिजो भारतले बुद्ध भारतमा जन्मेका हुन भन्दा केहि नबोल्नेहरूले राम नेपालमा जन्मेका हुन भन्दा ठूलो बनाउदा धर्ममाथि युद्ध हुने खतरा बढ्दैछ । भारतको अहिलेको बिजेपी नेतृत्वको सरकारले नेपाललाई हिन्दू राष्ट्र देख्न चाहन्छ । तर हिन्दू धर्म हटाएर नेपालले ठूलो गल्ती गरेको देखिन्छ । हिन्दू धर्मले सवै धर्मलाई समेटेको थियो तर अहिले हिन्दू धर्मलाई मतभेद पैदा गराउन पश्चिमा धर्म नेपालमा खुलेर लागेको छ । यसैको उदाहरण भनेको धर्म संस्कृति माथिको प्रहार हो भन्दा खासै फरक छैन् ।
भारतले पनि बुद्ध नेपालमा जन्मेका हुन भन्ने थाहा हुदाहुदै भारतमा जन्मेका भन्नु गलत होइन किनकि राम्रो व्यक्तिलाई आफ्नो देशमा जन्मेको भन्नु गलत थिएन । भारतकाे बोधगयामा बुद्धत्व प्राप्त गरी सारनाथमा ५ जना भिक्षुलाई उपदेश दिएपछि उपदेशका कारणले छुट्टै बौद्ध धर्म मान्न थालिएकाे थियाे । बुद्धलाई भगवानका रुपमा पुज्ने बाैद्ध धर्म अहिले विश्वका प्रमुख धर्महरूमध्ये एक भएको छ ।
नेपालीहरूले आफ्नो धर्मसंस्कृति क्रमश: भुल्दै छन् । जहाँ धर्म माथि प्रहार हुन्छ त्यहाँ अशान्ति सुरू हुन्छ । अशान्ति शुरु गर्ने अभियानमा नै पश्चिमाहरू सक्रिय छन् । नेपालमा रामको जन्म होस् या भारतमा किन नहोस् यसले देशको विकास गर्ने होइन । धर्मलाई आधार बनाएर छिमेकीलाई लडाउन खोजेको देखिन्छ ।
यदि नेपाल र भारतको धर्म युद्ध भए यसको फाइदा पश्चिमालाई प्रत्यक्ष हुनेछ । यो समय भनेको विकासको समय हो । नेपालको विकास धेरै पछाडि परेको छ । युवा बेरोजगार छन् रोजगारको लागि के गर्न सकिन्छ । सहयोगबाट सुरू भएका उद्योग पुन: संचालनमा ल्याउन सके बेरोजगार हट्ने सम्भावना प्रबल छ ।
धर्मको प्रचार गर्न अमेरिकाले बार्षिक खरबौं डलर खर्च गर्छ तर नेपाल भने हिन्दू धर्मलाई कौडीको मुल्यमा बेचेर लाभान्स कमाउन चाहान्छन् । मागेर देशको विकास चल्ने होइन गरेर मात्र देशको विकास सम्भव छ । नेपाल जस्ता विकासन्मुख देशहरू धेरै अघि बढि सके तर नेपालीलाई हात थाप्ने काम बाहेक केहि आउदैन ।
विकास गर्न नसक्नेहरूले स्वार्थको राजनीति गर्नु राम्रो होइन । आज स्वार्थकै कारण नेपाल धेरै पछाडि पर्दैछ । जुन जोगी सत्तामा पुगे पनि कान चिरेको उखान आज बच्चा बच्चाले भन्ने गरेको सुनिन्छ । स्वार्थको राजनीतिले नेपाल गोहीले हरिण निले जस्तै देखिन थालेको छ । यहि अवस्था रहदै जाने हो भने नेपालको अस्तित्व समेत समाप्त हुनेछ ।
*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।
