![दावा लामा](https://i0.wp.com/nepalpatra.com/wp-content/uploads/2024/04/Dawa-Lama235.jpg?fit=1195%2C609&ssl=1)
काठमाडौं । अखिल नेपाल फुटबल संघ (एन्फा) का उपाध्यक्ष दावा लामा पक्राउ परेका छन् । प्रहरीको उपत्यका अपराध अनुसन्धान कार्यालयको टोलीले उपाध्यक्ष लामालाई आज पक्राउ गरेको हो ।
दावालाई काठमाडौंबाट पक्राउ गरिएको कार्यालयका प्रमुख एसएसपी सोमेन्द्र सिंह राठौरले जानकारी दिए । उनी लागुऔषध खैरो हिरोइनको कारोबारमा दोषी ठहर भएर फरार थिए ।
तत्कालीन पुनरावेदन अदालत पाटन हालको उच्च अदालत पाटनले २०६४ साल जेठ २० गते फैसला सुनाउँदै लामाले लागु औषधको कारोबार गरेको ठहर गरी उनलाई ५ वर्ष कैद र ५ हजार रुपैयाँ जरिवानाको फैसला सुनाएको थियो ।