काठमाडौँ । नेपाल र भारतबीचको अन्तर्राष्ट्रिय मैत्रीपूर्ण खेल १-१ को बराबरीमा सकिएको छ । साफ च्याम्पियनसिपको तयारीमा रहेका दुई मित्र राष्ट्र नेपाल र भारतवीच आज बिहीबार दशरथ रंगशालामा भएको मैत्रीपूर्ण खेल १-१ गोलको बराबरीमा टुंगिएको हो ।
आज भएको खेलमा घरेलु मैदानमा पहिलो हाफमा अञ्जन विष्टले खेलको ३६ औं मिनेटमा नेपालको लागि पहिलो गोल गरेर नेपाललाई अग्रता दिलाएका थिए ।
यस्तै भारतका अनिरुद्र थापाले दोस्रो हाफमा खेलको ६० औं मिनेटमा भारतको लागि पहिलो गोल गरेर खेललाई बराबरीमा फर्काएका थिए । दोस्रो मैत्रीपुर्ण खेल भदौ २० गते आइतबार हुनेछ ।
यो पनि पढ्नुहोस्
अन्तर्राष्ट्रिय मैत्रीपूर्ण खेल : नेपालविरुद्ध भारतले पनि गर्यो १ गोल
