३ पुस, २०७४ l लिग लिडर बार्सिलोनाले स्पानिस ला लिगामा डेपोर्टिभो ला कुरानालाई ४-० ले पराजित गरेको छ। लियोनल मेसी पेनाल्टीमा गोल गर्न चुकेपनि बार्सिलोनाका लागि लुइस सुवारेज र पाउलिन्होले २-२ गोल गर्दै सहज जित दिलाएका हुन्।
जितपछि बार्सिलोनाले दोस्रो स्थानको एथ्लेटिकोमाथि ६ अंकको अग्रता बनाएको छ। १८ खेलबाट बार्साको ४२ अंक छ भने एथ्लेटिको ३६ अंकका साथ दोस्रोमा छ । ३४ अंकका साथ भ्यालेन्सिया तेस्रो स्थानमा छ।
यस्तै एक दिन अघि मात्र फिफा क्लब वर्ल्डकपको च्याम्पियन बनेको रियल र लेगानेसबीचको खेल पोस्टपोन्ड गरिएको छ। १५ खेलबाट ३१ अंक जोडेको रियल चौथो स्थानमा छ।
