![राम मन्दिर](https://i0.wp.com/nepalpatra.com/wp-content/uploads/2024/01/Ram-Mandir-Ayodhyaya.jpeg?fit=1280%2C820&ssl=1)
काठमाडौँ । भारतको अयोध्यामा राम मन्दिरको प्राण प्रतिष्ठा आज गरिँदै छ । भारतको अयोध्यामा आज नयाँ राम मन्दिरको प्राण प्रतिष्ठा गरिने भएको हो ।
नयाँ मन्दिरमा आज भगवान् रामको अभिषेक गरिने भएको छ भने उक्त समारोहमा सहभागी हुन भारत र विदेशबाट धेरै पाहुनाहरू आएका छन् । प्रधानमन्त्री नरेन्द्र मोदी बिहान १० बजेर २० मिनेटमा अयोध्या पुग्नेछन् ।
यसमा पूर्व राष्ट्रपति रामनाथ कोविन्द, पूर्व उपराष्ट्रपति वेंकैया नायडू, मुकेश-नीता अम्बानी, गौतम अडानी, अमिताभ बच्चन, रजनीकान्त सामेल हुने छन् ।
यस अवसरमा पूरै अयोध्या सहरलाई हजारौँ क्विन्टल फूलले सजाइएको छ । भव्य राम मन्दिरलाई ३ हजार किलो फूलले सजाइएको छ । आज साँझ दीप प्रज्वलन गरी देशभर फेरि दीपावली मनाइँदैछ ।