डा. बाबुराम भट्टराई
काठमाडौँ, जेठ २५ । पूर्वप्रधानमन्त्री डा. बाबुराम भट्टराई अरबौंका विदेशी गाडी सिँहदरबारमा कबाड़ी बनाएर देशलाई कंगाल पारिंएको बताएका छन् । आज सामाजिक संजाल ट्वीटर र फेसबुकमा एउटा पोष्ट गर्दै सो कुरा बताएका हुन् । साथै उनले आफू प्रधानमन्त्री हुँदा मुस्तांग गाडी चढ्दा उल्लीविल्ली गरिएको समेत आरोप लगाएका छन् । एउटा दैनिक पत्रिकामा प्रकाशित समाचार सेयर गर्दै उनले सो कुरा भनेका हुन् ।
उनले ट्वीटरमा लेखेका छन्, जो अगुवा उही ह.. भएपछि देशले दु:ख पाउँदो रहेछ । गरीब देशका नेता/कर्मचारी मितव्ययी बनून्, स्वदेशी बस्तु प्रयोग गरून् भनेर प्रम छँदा स्वदेशमै बनेको र सस्तो (रू१९लाख) गाडी मुस्तांग म्याक्स चढेको हुँ ! तर उल्टै उल्लीबिल्ली गरियो र गिद्धले सिनो लुछे झैं राज्यलाई लुछ्न छोडिएन!परिणाम यी गाडी !”
