७ असोज, काठमाडौं । नेपाल कम्युनिष्ट पार्टी (नेकपा) को निमन्त्रणमा आएका चिनियाँ कम्युनिस्ट पार्टीका विदेश संगठन विभागका प्रतिनिधि सू नान पिङले राज्य चलाउन गर्न अनुशासित, संगठित र बलियो संगठन हुनुपर्ने बताएका छन् ।
याक एन्ड यती होटलमा जारी अन्तरक्रिया कार्यक्रममा बोल्दै पिङले कम्युनिस्ट पार्टीमार्फत् सत्ता सञ्चालन गर्नका लागि व्यक्तिभन्दा संगठन ठूलो हुनुपर्ने बताएका हुन् । पिङले भने, ‘समृद्ध चीन निर्माणको आधार भनेको चिनियाँ कम्युनिस्ट पार्टीको संगठन हो ।‘
