काठमाडौं, २ भदौ – नेविसंघको नयाँ कार्यसमिति चयनका लागि बुधबार मध्यान्हदेखि भएको निर्वाचन बिहिबार बिहानसम्म जारी छ । बिहिबार बिहान ७ बजेसम्म ३१५० मत खसेको छ । मतदान कार्यक्रम रातभर चलेको थियो ।
निर्वाचन कमिटीले राती १ बजेभित्र मतदान कार्ड लिएका प्रतिनिधिलाई मतदानका लागि लाइनमा बस्न प्रतिनिधिहरुलाई निर्देशन दिएको छ । नेविसंघमा ३५ सय बढी प्रतिनिधि रहेका छन् ।
मतदान विद्युतिय भोटिङ मेसिनबाट चलिरहेको भएपनि एउटामात्रै बुथको व्यवस्था गरिँदा ढिलाइ भएको बताइएको छ । मतदान प्रक्रिया लम्बिएपनि मत परिणाम भने निर्वाचन सकिएको केहि घण्टामै आइसक्ने बताइएको छ ।
उम्मेदवार धेरै भएकाले मतदानमा ढिलाई भएको हो । मतगणना सुरु गर्ने तयारी भएको निर्वाचन समितिले जनाएको छ ।
