काठमाडौं । जेनजी पुस्ताको आन्दोलनका क्रममा प्रहरीको गोली लागेर मृत्यु हुनेको संख्या १० जना पुगेको छ । प्रहरीले आन्दोलन नियन्त्रण गर्न गोली चलाउँदा आज दिउँसो साढे ३ बजेसम्म उनीहरुले मृत्यु भएको हो ।
काठमाडौँको ट्रमा सेन्टरमा ६ जना प्रदर्शनकारीको मृत्यु भएको छ । जेनजी प्रदर्शनका क्रममा घाइते भएका ६ जना प्रदर्शनकारीको उपचारका क्रममा मृत्यु भएको हो ।
यस्तै काठमाडौँ मेडिकल कजेलमा १ जना प्रदर्शनकारीको मृत्यु भएको छ भने काठमाडौँको त्रिवि शिक्षण अस्पतालमा १ जनाको मृत्यु भएको छ ।
काठमाडौँको नयाँ बानेश्वरस्थित संघीय संसद भवनको एक नम्बर गेटमा गोली लागेर एक प्रदर्शनकारीको मृत्यु भएको थियो । घटनास्थलमै प्रहरीको गोली लागेर एक प्रदर्शनकारीको मृत्यु भएको थियो ।
यसअघि एकजनाको सिभिल अस्पतालमा उपचारको क्रममा मृत्यु भएको थियो । योसँगै जेनजी आन्दोलनमा मृत्यु हुनेको संख्या १० पुगेको हो ।
