काठमाडौँ । प्रधानमन्त्री केपी शर्मा ओलीले सर्वदलीय बैठक बोलाएका छन् । गत शुक्रबार तीनकुनेमा भएको घटना र देशको पछिल्लो राजनीतिक अवस्थाबारे छलफल गर्न प्रधानमन्त्री ओलीले आज चैत १७ गते आइतबार साँझ ६ बजे प्रधानमन्त्री निवास बालुवाटारमा सर्वदलीय बैठक बोलाएका हुन् ।
नेकपा एमालेका प्रमुख सचेतक महेश बर्तौलाले प्रधानमन्त्री ओलीले आज सर्वदलीय बैठक बोलाएको जानकारी सभामुख देवराज घिमिरेको आह्वानमा आज राखेको प्रमुसख दलका प्रमुख सचेतकहरूको बैठकमा जानकारी दिएका हुन् ।
अस्ति शुक्रबार तीनकुनेमा दुई जनाको मृत्यु हुनेगरी भएको हिंसात्मक आन्दोलन र समसामयिक घटनाबारे छलफल गर्न प्रधानमन्त्री ओलीले सर्वदलीय बैठक बोलाएको बर्तौलाले जानकारी दिए । बैठकमा राजावादी दल राष्ट्रिय प्रजातन्त्र पार्टी (राप्रपा) लाई भने बोलाइएको छैन ।
