काठमाडौं । शिक्षा, विज्ञान तथा प्रविधिमन्त्री विद्या भट्टराईले अस्पतालबाट डिस्चार्ज भएकी छन् । ९ दिन लामो अस्पताल बसाइपछि उनी आइतबार डिस्चार्ज भएकी हुन् ।
चिकित्सकले केहीदिन घरमै आराम गर्न सल्लाह दिएपछि उनी घरमै आराम गरिरहेकी छन् । घाँटीको संक्रमण भएपछि गत फागुन ९ गते उनी अस्पताल भर्ना भएकी थिइन् ।
घाँटीको समस्या देखिएपछि नाक, कान, घाँटी विभागका चिकित्सकहरु उनको उपचारमा संलग्न भएका थिए । उनलाई चिकित्सकले भर्ना हुनुपर्ने भनेपछि क्याबिनमा राखेर उपचार गरिएको थियो ।
मन्त्री भट्टराई हालसम्मको परीक्षणमा कुनै जटिलता नदेखिएको अस्पतालले बताएको छ । घाँटीको ग्रन्थी (ग्ल्यान्ड)मा संक्रमण बढेपछि बायोप्सी परीक्षण गरिएकोले सो रिपोर्ट आउन अझै एक–दुई दिन लाग्ने अस्पतालले जनाएको छ ।
