फाइल फोटो
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने एक करोड धरौटी बुझाएर रिहा भएका छन् । लामिछानेले बैंक ज्ञारेन्टीमार्फत अदालतमा धरौटी बुझाएर रिहा भएका हुन् ।
सुप्रिम सहकारी ठगीको आरोपमा जिल्ला अदालत, रुपन्देहीले लामिछानेलाई एक करोड धरौटीमा छाड्न आदेश दिएकोले लामिछानेले सो रकम बुझाएर रिहा भएका हुन् ।
न्यायाधीश प्रल्हाद कुमार योगीको इजलाशले उनलाई आज एक करोड धरौटीमा छाड्न आदेश गरेको थियो । कार्यविधि संहिता बमोजिम एक करोड धरौटी बैंक ग्यारेन्टीमा तारेखमा राख्नू भन्ने आदेश भएको अदालतले जनाएको छ ।
लामिछाने यसअघि पोखराको सूर्यदर्शन सहकारी प्रकरणमा कास्की जिल्ला अदालतबाट ६५ लाख र स्वर्णलक्ष्मी सहकारी प्रकरणमा काठमाडौं जिल्ला अदालतबाट ६० लाख धरौटीमा रिहा भएका हुन् ।
