काठमाडौं । सत्तारुढ दल नेकपा (एमाले) को सचिवालय बैठक आज बस्दै छ । पार्टी केन्द्रीय कार्यालय च्यासलमा एमालेको सचिवालय बैठक अपराह्न ५ बजे बस्ने भएको हो ।
आज बस्ने सचिवालय बैठकमा देशमा विकसित पछिल्लो राजनीतिक परिस्थिति, स्थानीय तहको उपनिर्वाचन लगायतका समसामयिक विषयमा छलफल हुने एमाले प्रचार तथा प्रसार विभागले जनाएको छ ।
यसअघि गत असोज २४ गते पार्टी कार्यालय च्यासलमै सचिवालय बैठक बसेको बैठकले पार्टीको नयाँ केन्द्रीय कार्यालय भवन निर्माण गर्ने निर्णय गरेको थियो ।
व्यवसायी मीनबहादुर गुरुङले दान दिएको जग्गामा भोलिपल्टै एमालेले पार्टी कार्यालयको शिलान्यास गरेयता एमालेको उक्त कदमको चर्को आलोचना हुँदै आएको छ।
