फाइल फोटो 
काठमाडौं । प्रधानमन्त्री पुष्पकमल दाहाल ‘प्रचण्ड’ राष्ट्रपति रामचन्द्र पौडेललाई भेट्न शीतलनिवास गएका छन् । सत्तारुढ दल नेकपा (माओवादी केन्द्र) का अध्यक्ष समेत रहेका प्रधानमन्त्री प्रचण्ड पार्टीको पदाधिकारी बैठकपछि शीतलनिवास गएका हुन् ।
देशको पछिल्लो राजनीतिक अवस्थाको ‘ब्रिफिङ’ गर्न प्रधानमन्त्री प्रचण्ड राष्ट्रपति पौडेललाई भेट्न शीतल निवास गएको माओवादी केन्द्रका नेता देवेन्द्र पौडेलले जानकारी दिए ।
आज मंगलबार प्रधानमन्त्री निवास बालुवाटारमा बसेको माओवादी केन्द्रको पदाधिकारीको आकस्मिक बैठकले प्रधानमन्त्रीले राजीनामा नदिई विश्वासको मतको सामना गर्ने निर्णय गरेको माओवादी केन्द्रका प्रवक्ता अग्नि सापकोटाले बैठक सकिएपछि संचारकर्मीहरुलाई जानकारी दिए ।
