काठमाडौँ । नयाँ मन्त्रीहरूको शपथ आजै अपराह्न हुने भएको छ । राष्ट्रपति कार्यालय शीतल निवासले आज बुधबार अपराह्न ५:४५ बजे नवनियुक्त मन्त्रीहरूको शपथ गराउने तयारी गरेको हो ।
नयाँ सत्ता गठबन्धनको आज बुधबार दिउँसो प्रधानमन्त्रीको सरकारी निवासमा बसेको बैठकले मन्त्रालयको भागबण्डा टुंगो लगाएको हो । नयाँ सत्ता गठबन्धनमा मन्त्रालय भागबण्डामा सहमति गरेसँगै मन्त्रीहरूको शपथ गर्न आज लागिएको छ ।
यसअघि गत सोमबार तीन जना मन्त्रीले शपथ लिएका थिए । सत्ता गठबन्धनमा भएको सहमतिअनुसार गठबन्धनको ठुलो दल नेकपा (एमाल) ले ८ वटा, नेकपा (माओवादी केन्द्र) ले ५ वटा, राष्ट्रिय स्वतन्त्र पार्टी (रास्वपा) ले ४ वटा मन्त्रालय लिने लगभग सहमति भएको छ भने नेकपा (एकीकृत समाजवादी) ले २ वटा मन्त्रालय लिएर सरकारमा जाने प्रवल सम्भावना रहेको छ ।
*यसअघि नयाँ मन्त्रीहरूको शपथ आजै अपराह्न ५ बजे हुने भनिएकोमा समय सारिएकोले ५:४५ बजे हुने भनिएपछि अपडेट गरिएको हो – प्रधान-सम्पादक
