![जिल्ला अदालत काठमाडौं](https://i0.wp.com/nepalpatra.com/wp-content/uploads/2023/02/Kathmandu-District-Court_Kathmandu-Jilla-Adalat1.jpg?fit=1024%2C575&ssl=1)
काठमाडौं । ललिता निवास जग्गा हिनामिना प्रकरणमा आज पनि प्रतिवादीका तर्फबाट थुनछेक बहस जारी रहने भएको छ । जिल्ला अदालतमा सरकारी वकिलको बहस सकिएपछि काठमाडौं जिल्ला अदालतमा आइतबारदेखि थुनछेक बहस जारी छ ।
प्रतिवादीका तर्फबाट फरक-फरक व्यक्तिका वकिलहरुले बहस गर्दै छन् । उनीहरूको बहस सकिएपछि जाहेरवालाका तर्फबाट बहस हुनेछ । अन्तिममा सरकारी वकिलका तर्फबाट नै जवाफी बहस हुनेछ ।
अघिल्लो आइतबार सरकारी वकिलले सरकारी छाप दुरुपयोगमार्फत किर्ते गरेको भन्दै ३१० जनाविरुद्ध मुद्दा दायर गरेका थियो । उनीहरूको बयान सकिएपछि आइतबारदेखि थुनछेक बहस सुरु भएको थियो ।