![बालकृष्ण खाँण र मञ्जु खाँण](https://i0.wp.com/nepalpatra.com/wp-content/uploads/2023/05/Balkrishna-Khand-and-Manju-Khand21.jpg?fit=800%2C535&ssl=1)
काठमाडौँ । नेपाली काँग्रेसकी सांसद मञ्जु खाँणले नक्कली भुटानी शरणार्थी प्रकरणमा प्रहरी हिरासतमा रहेका पूर्वगृहमन्त्री रहेका नेपाली काँग्रेसका नेता बालकृष्ण खाँणलाई भेटेकी छन् ।
उनले आज सोमबार बिहान टेकुस्थित जिल्ला प्रहरी कार्यालयमा पुगेर जिल्ला प्रहरी कार्यालयको हिरासतमा पति खाणसँग भेटघाट गरेकी हुन् ।
खाँण गत वैशाख २७ गते काठमाडौंको चावहिलको मैजुबहालस्थित आफ्नो निजी निवासबाट पक्राउ परेका थिए । सो प्रकरणमा मञ्जुमाथि समेत आरोप लागेपनि पुष्टि नभएर उनी भने पक्राउ परेकी छैनन् ।
जिल्ला प्रहरी परिसर काठमाडौँले नक्कली भूटानी शरणार्थी बनाएर अमेरिका पठाउने लोभमा सयौँ नागरिकको करोडौँ रकम ठगी प्रकरणको आफ्नो अनुसन्धान प्रतिवेदन आज सोमबार जिल्ला सरकारी वकिलको कार्यालयलाई बुझाउदै छ । उक्त प्रकरणमा हालसम्म १६ जना पक्राउ परेका छन् ।