फाइल फोटो
काठमाडौं । प्रधानमन्त्री समेत रहेका नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले नेपाली काँग्रेस नेतृत्वको सुदूरपश्चिम सरकारलाई विश्वासको मत दिन निर्देशन दिएका छन् ।
प्रधानमन्त्री प्रचण्डले माओवादी केन्द्र सुदूरपश्चिमका संसदीय दलका नेता खगराज भट्टलाई टेलिफोनमार्फत मुख्यमन्त्री कमलबहादुर शाहलाई विश्वासको मत दिन निर्देशन दिएका हुन् ।
प्रचण्डले आठ दलीय गठबन्धन कायम राख्न र सुदूरपश्चिम सरकार जोगाउन माओवादी सुदूरपश्चिम संसदीय दलका नेता भट्टलाई विश्वासको मत दिन निर्देशन दिएका हुन् ।
सुदूरपश्चिम प्रदेशका मुख्यमन्त्री शाहले आज दिउँसो १ बजे बस्ने प्रदेशसभा बैठकबाट विश्वासको मत लिन तयारी गरेका छन् । सुदूरपश्चिम माओवादी केन्द्रको संसदीय दलको बैठकले मुख्यमन्त्री शाहलाई विश्वासको मत दिने निर्णय गर्ने बुझिएको छ ।
