झापा । पूर्वप्रधानमन्त्री समेत रहेका प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले आफ्ना बुबा मोहनप्रसाद ओलीको ९३ औं जन्मदिन झापाको पृथ्वीनगरस्थित घरमा मनाएका छन् ।
निर्वाचनका लागि आफ्नो निर्वाचन क्षेत्र झापा क्षेत्र नम्वर ५ दमकमा रहेका झापाको दमकमा रहेका अध्यक्ष ओलीले बुवा मोहनप्रसादको जन्मोत्सवको अवसरमा झापाको क्षेत्र नम्वर ३ पृथ्वीनगर पुगेर उनलाई केक समेत खुवाएर आशिर्वाद लिएका छन् ।
ओलीको एमालेको तर्फबाट प्रधानमन्त्रीको उम्मेदवार समेत हुन् । ओलीलाई आफ्ना पिताको आशिर्वाद कति लाग्ने हो भन्ने आगामी निर्वाचनपछि आउने मत परिणामले नै निर्धारण गर्नेछ ।
ओलीले सामाजिक संजाल ट्वीटरमा आफ्ना पिताको जन्मदिन मनाएको तस्वीर शेयर गर्दै जन्मदिनको शुभकामना दिएका छन् । पत्नी राधिका शाक्यसहित पृथ्वीनगर पुगेका ओलीले बुबा मोहनप्रसादलाई सुस्वास्थ्य एवम् दीर्घायुको कामना गरेका थिए ।
जन्मदिनका अवसरमा शुभकामना दिन राप्रपाका अध्यक्ष समेत रहेका झापा क्षेत्र नम्वर ३ मा एमाले र राप्रपाको तर्फबाट प्रतिनिधिसभा सदस्यका लागि साझा उम्मेदवार राजेन्द्र लिङ्देन पनि पृथ्वीनगर पुगेर मोहनप्रसादलाई जन्मदिनको शुभकामना दिंदै आशीर्वाद समेत लिएका छन् ।
मोहनप्रसादले अध्यक्ष ओलीलाई पनि निर्वाचनमा विजय र देशका लागि थप काम गर्ने अवसर प्राप्तिको लागि शुभकामना दिएको ओलीनिकट स्रोतले जनाएको छ ।
आज मेरा बुबाको जन्मदिन,
बुबासँग म। pic.twitter.com/RyY4L5lU2K— K P Sharma Oli (@kpsharmaoli) November 18, 2022
