विकास र राष्ट्रियताका लागि एमालेलाई एक्लै बहुमत ल्याउन आवश्यक छ : ओली Nepalpatra विकास र राष्ट्रियताका लागि एमालेलाई एक्लै बहुमत ल्याउन आवश्यक छ : ओली
२२ मंसिर २०७९, बिहिबार

विकास र राष्ट्रियताका लागि एमालेलाई एक्लै बहुमत ल्याउन आवश्यक छ : ओली


केपी शर्मा ओली

महेन्द्रनगर । नेकपा (एमाले) का अध्यक्ष केपी शर्मा ओलीले आसन्न निर्वाचनमा नेकपा एमालेले एक्लै बहुमत ल्याउनुपर्ने बताएका छन् । कञ्चनपुरको महेन्द्रनगरमा शुक्रबार साँझ आयोजित चुनावीसभामा उनले विकास, शान्ति, जनता र राष्ट्रियताका लागि एक्लै बहुमत ल्याउन आवश्यक रहेको तर्क गरेका हुन् ।

“एमाले एक्ललैले बहुमत ल्याउन परेको छ”, अध्यक्ष ओलीले भने, “अनि मात्रै देशमा विकासको अभियान चल्न सक्छ ।”

विगतमा एमाले पहिलो वा दोस्रो पार्टी हुने गरेको भए पनि बहुमत नपाएको उनले स्पष्ट गरे । “अहिले २०७४ सालमा बमुहत प्राप्त गरेर सरकार चलाउन सकेन भनेर हल्ला हुँदैछ”, उनले भने, “०७४ मा प्रत्यक्षतर्फ एमालेलाई १६५ मा ८०, समानुपातिकतर्फ ११० मा ४१ सिट मात्रै आयो ।”

उनले अघिल्लो निर्वाचनमा प्रत्यक्षतर्फ तीन सिट र समानुपातिकतर्फ १४ सिट बहुमतका लागि अपुग रहेको बताए । मुलुक सञ्चालनका लागि टालाटुली नभई सुदृढ राष्ट्रिय शक्ति आवश्यक रहेको उनको भनाइ थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
सम्बन्धित खबरहरु