मंसिर ४ गतेको निर्वाचनपछि देशमा एमाले नेतृत्वको सरकार बन्छ : अध्यक्ष ओली Nepalpatra मंसिर ४ गतेको निर्वाचनपछि देशमा एमाले नेतृत्वको सरकार बन्छ : अध्यक्ष ओली
१८ मंसिर २०७९, आइतबार

मंसिर ४ गतेको निर्वाचनपछि देशमा एमाले नेतृत्वको सरकार बन्छ : अध्यक्ष ओली


केपी शर्मा ओली फाइल फोटो

दमक । प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले मंसिर ४ गतेको निर्वाचनपछि देशमा एमाले नेतृत्वको सरकार बन्ने बताएका छन् । उनले नजिकिएको निर्वाचनले देशमा परिर्वतन चाहने शक्तिको जित हुने दावी समेत गरेका छन् ।

झापा क्षेत्र नं ५ बाट प्रतिनिधिसभा सदस्यका उम्मेदवार रहेका अध्यक्ष ओलीले आज बिहान आफ्नो निर्वाचन क्षेत्रमा पर्ने कमल गाउँपालिका–३ क्याम्पामा आयोजित चुनावी भेलालाई संवोधन गर्दै सो धारणा व्यक्त गरेका हुन् ।

उनले भने, “देशलाई स्थिर र विकास गर्ने सक्षम सरकार चाहिएको छ, निर्वाचनमार्फत त्यो पूरा हुनेछ ।” उनले मङ्सिर ४ को आम निर्वाचनपछि देशमा एमाले नेतृत्वको सरकार बन्ने बताए ।

अबको निर्वाचनपछि एमाले नेतृत्वमा राष्ट्रिय प्रजातन्त्र पार्टी (राप्रपा) र जनता समाजवादी पार्टी ( जसपा) को सरकार बन्ने उनको दावी थियो । उनले आज नै शिवसताक्षीको माइधारमा आयोजित चुनावी अभिमुखीकरण कार्यक्रमलाई समेत सम्बोधन गरेका थिए ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !